ხარაგაული გვირილობის დღესასწაულზე

იმერეთის სახალხო დღესასწაულზე, რომელიც ქ. ქუთაისში 2 მაისს აღინიშნება ხარაგაული მრავალფეროვანი, ქართული ხალხური რეწვის ნიმუშებით, ხელნაკეთი წნულებითა და თიხის ნაწარმით წარსდგა.
მერიის კულტურის სამსახურის ორგანიზებით, ხარაგაულის შემოქმედებითმა ჯგუფებმა მონაწილეობა მიიღეს, მუხნარის ტყეში გამართულ ღონისძებაში. მუსიკალური ნომრები შეასრულეს ფოლკლორულმა ანსამბლებმა „ოდილა“ და „კახორი“.

ვაჟა აზარაშვილის ნაწარმოები შეასრულა ინდივიდუალურმა შემსრულებელმა თიკო ჯანიაშვილმა.

ხარაგაულის სპორტისა და ტურიზმის ცენტრის ორგანიზებით ხარაგაულის ფალავნებმა მონაწილეობა მიიღეს კოლია ქვარიანის სახელობის ქართული ჭიდაობის ტურნირში, რომელიც ასევე, მუხნარის ტყეში გაიმართა. მნიშვნელოვანია, რომ აღნიშნულ ტურნირში ხარაგაულელმა მოჭიდავემ ლევან ხაჩიძემ პირველი ადგილი აიღო და ქვარიანის სახელობის თასითა და სპეციალური სიგელით დაჯილდოვდა.

წელს, იმერეთის მხარის ადმინისტრაციის ინიციატივით, თეთრი გვირილების დღესასწაულმა ძველი ტრადიცია აღიდგინა და საქველმოქმედო ხასიათი დაიბრუნა. ქველმოქმედებით შეგროვებული თანხა ტუბერკულოზით დაავადებული ბავშვების დახმარების ფონდში ჩაირიცხება.
სახალხო დღესასწაულს ქუთაისში ხარაგაულის მუნიციპალიტეტის მერის მოადგილეები არჩილ მაღრაძე და თემურ ჩხეიძე დაესწრნენ.