მაღალმთიანი სოფლების განვითარებისთვის თანხა გამოიყო

ხარაგაულის მუნიციპალიტეტის სოფელ ბჟინევს მთის განვითარების საბჭოს გადაწყვეტილებით, რომლის შემადგენლობაში ბაღდათი-ხარაგაულის მაჟორიტარი დეპუტატი, კობა ლურსმანაშვილი შედის, 2018 წელს მაღალმთიანი დასახლების სტატუსი მიენიჭა.
მთის განვითარების საბჭოს გადაწყვეტილებითა და საქართველოს მთავრობის 3 მაისის განკარგულებით მაღალმთიანი დასახლებების განვითარებისთვის 6 864 674 გამოიყო.
ინფრასტრუქტურული პროექტების ჩამონათვალში, რომელიც მაღალმთიანი დასახლებების განვითარების ფონდიდან გამოყოფილი თანხით ფინანსდება, ხარაგაულის მუნიციპალიტეტის სოფელ ბჟინევის ცენტრალური გზის მობეტონების სამუშოები შედის.
საქართველოს მთავრობის განკარგულების თანახმად, სოფელ ბჟინევში საგზაო ინფრასტრუქტურის მოსაწესრიგებლად აღნიშნული ფონდიდან 320 310 ლარი გამოიყო.
სოფელში გზის რეაბილიტაცია მიმდინარე წელს განხორციელდება.
შეგახსენებთ, რომ მაღალმთიანი დასახლებების განვითარების ფონდიდან გასულ წელს ხარაგაულის ორი მაღალმთიანი სოფლის, წიფასა და გოლათუბნის გზის რეაბილიტაცია დაფინანსდა.