{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • ფესტივალი „აღდგომიდან ამაღლებამდე“ სრულიად საქართველოს კათალიკოს - პატრიარქმა ილია II-მ დააარსა


    30 აპრილს, კლასიკური მუსიკის ფესტივალის „აღდგომიდან ამაღლებამდე“ პროექტის ფარგლებში ხარაგაულში, ღია ესტრადაზე, თბილისის მერიის ბიგ-ბენდისა და თსუ „გორდელას“ კონცერტი გაიმართა.
    ფესტივალი „აღდგომიდან ამაღლებამდე“ სრულიად საქართველოს კათალიკოს - პატრიარქმა ილია II-მ დააარსა. ,,აღდგომიდან ამაღლებამდე საქართველოს ყველა რეგიონში ჩავდივართ და ვმართავთ მსგავს ღონისძიებებს. ფესტივალი, მისმა უწმინდესობამ, სწორედ იმ მიზნისათვის დაარსა, რომ ეკლესია და ერი გაერთიანებულიყო, პირველ რიგში ქართული კულტურის განვითარებისა და უკეთ წარმოჩენისათვის. ხარაგაულს ჰყავს განსაკუთრებულად აქტიური გამგებელი კობა ლურსმანაშვილი, მისი დაჟინებული მოთხოვნითაა, რომ ფესტივალი დღეს აქ გაიმართა“- განაცხადა საპატრიარქოს ფონდის ხელმძღვანელმა ლაშა ჟვანიამ.
    თსუ „გორდელა“ საინტერესო რეპერტუარით წარსდგა ხარაგაულელი მსმენელის წინაშე. გოგონათა გუნდმა, საქართველოში საუკუნეების განმავლობაში შემონახული სულიერებით აღსავსე, უძველესი მრავალხმიანი ხალხური სიმღერები შეასრულეს. განსაკუთრებით შთამბეჭდავი იყო უძველეს ქართულ ხალხურ საკრავებზე აჟღერებული მელოდიები(ფანდური, ჩონგური, ჩანგი, სალამური, დოლი, დაირა,და ა.შ)
    ფესტივალზე თბილისის მერიის საკონცერტო ორკესტრის „ბიგ ბენდის“ მიერ აჟღერდა ქართველი და უცხოელი კომპოზიტორების ნაწარმოებები. რეპერტუარი ძირითადად ჯაზსა და სოულს მოიცავდა. ბენდთთან ერთად ცნობილი სიმღერებით ერთმანეთს ენაცვლებოდნენ საქართველოს საუკეთესო მომღერალები, ბორის ბედია, გიორგი სუხიტაშვილი , მარიამ პავლიაშვილი.
    ფესტივალს ესწრებოდა ადგილობრივი ხელისუფლების წარმომადგენლები, უბისისა და მარგვეთის ეპარქიის ეპისკოპოსი მეუფე მელქისედეკი, ასევე ამ დღეს ხარაგაულში სტუმრად იმყოფებოდა საპატრიარქოს ფონდი ხელმძღვანელი ლაშა ჟვანია.
    კობა ლურსმანაშვილი: „მინდა მადლობა გადავუხადო ფესტივალის ორგანიზატორებს, ბატონ ლაშას, მონაწილეებს -„გორდელასა“ და თბილისის მერიის „ბიგ-ბენდს“. ხარაგაულისთვის ეს უდიდესი საჩუქარია. დღეს კიდევ ერთხელ გამოიკვეთა საჭიროება, რომ ღია ესტრადა სათანადოდ მოეწყოს, რათა უკეთეს პირობებში შევძლოთ სტუმრების მიღება და ღონისძიებების ჩატარება.ღრმად ვარ დარწმუნებული, რომ მომავალი კონცერტი უკვე ახალ ამფითეატრში გაიმართება და ხარაგაულში აღმშენებლობის პროცესი უწყვეტი რეჟიმით გაგრძელდება“. განაცხადა გამგებელმა კობა ლურსმანაშვილმა.
    მარგვეთისა და უბისის ეპარქიის ეპისკოპოსი მეუფე მელქისედეკი: ,, ემოციებით დატვირთული ვარ, სიტყვებს ნაკლებად მოვიძიებ, რადგან ასეთ სიტუაციაში სიტყვები ძალიან ღარიბია. მინდა მადლობა გადავუხადო ფესტივალის ორგანიზატორებს და გადმოგცეთ მისი უწმინდესობის ლოცვა-კურთხევა. ხარაგაულში უკვე დასასრულს უახლოვდება ტაძრის მშენებლობა, რომელსაც ჩვენ ყველანი ერთად მალე დავამთავრებთ. მინდა მადლობა გადავუხადო ადგილობრივ ხელისუფლებას, ბატონ კობას, რომელიც ძალიან ბევრს აკეთებს ეკლესიის მშენებლობისთვის. ვიმედოვნებ, რომ გვირგვინი თქვენი წამოწყებული საქმიანობებისა იქნება ეკლესიის გახსნა, რომელიც დაამშვენებს ხარაგაულს.“

     

      

      

     

     

     

    1 მაისი 2015

    ნანახია: 749 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი