ხარაგაულში გამართულ სამოყვარულო ფილმების  კონკურსში , იმერეთის რეგიონის სხვა მუნიციპალიტეტებიც  ღებულობდნენ მონაწილეობას  

27 მაისს ხარაგაულის კინოთეატრში სამოყვარულო ფილმების კონკურსის „ჩემი იმერეთის“ ჩვენება-დაჯილდოება გაიმართა. კონკურსის  ინიციატორმა და წამყვანმა მამუკა ჭიპაშვილმა აღნიშნა, რომ  კონკურსი მეორე წელია ტარდება და მასში,  წელს პირველად ხარაგაულის გარდა  იმერეთის რეგიონის სხვა მუნიციპალიტეტებიც  ღებულობენ მონაწილეობას .  კონკურსში თავდაპირველად რამდენიმე ფილმი იყო წარმოდგენილი , თუმცა ჟიურიმ ფინალურ ეტაპისათვის ათი საუკეთესო  ფილმი გამოავლინა.

წარმოდგენილი იყო  იმერეთის თემატიკაზე გადაღებული 5 წუთიანი ფილმები. კონკურსს აფასებდა ჟიური შემდეგი შემადგენლობით: გამგებლის მოადგილე პაატა გოგოლაძე, კულტურის სამსახურის უფროსი ირინე ჩხეიძე, ა(ა)იპ ,,კულტურის ცენტრის“ უფროსი ვასილ კიკნაძე, ხარაგაულის საგანმანათლებლო რესურსცენტრის უფროსი დავით კიკნაძე, საკრებულოს წევრი იუზა კელენჯერიძე.

მუნიციპალიტეტის გამგებელი კობა ლურსმანაშვილი კონკურსში  მონაწილეებს  მიესალმა და წარმატებები უსურვა:  „ დღეს მნიშვნელოვანი და შინაარსობრივად დატვირთული დღეა. მინდა მადლობა მოგახსენოთ ფესტივლის ორგანიზატორებს და მის  მონაწილეებს, განსაკუთრებით მათ, ვინც სტუმრად იმყოფებიან დღეს ჩვენ რაიონში. მინდა სურვილი გამოვთქვა, რომ კონკურსი მომავალში კიდევ უფრო მეტ მასშტაბებს შეიძენს “.

კონკურსის პირველი ფილმი „აქ მღერის გული“ წარმოადგინეს ბაზალეთის საჯარო სკოლის მოსწავლეებმა. (ფილმის ავტორი ლელა ბარბაქაძე)

დოკუმენტური ფილმი „ჩემი წყალტუბო“ (ოთარ მიქაბერიძის ფილმი)

„ჩემი იმერეთი“ ბორის სკოლა-პანსიონი ( პედაგოგ ქეთევან ღონღაძის ფილმი, რომელშიც მონაწილეობდნენ ბორის სკოლა-პანსიონის მოსწავლეები).

ფილმი „იმერეთი“(ფილმის ავტორი ვანო ჭიპაშვილი, ტექტს კითხულობდა ნიკოლოზ ჭიპაშვილი).

 „ძევრი-იმერეთის პატარა სამოთხე“ ( მონაწილეობდნენ თერჯოლის მუნიციპალიტეტის N2 საჯარო სკოლის მოსწავლეები).

„ეს ჩვენი კუთხე“- (მონაწილეობდნენ ლაშის საჯარო სკოლის მოსწავლეები)

„სტარში სერჟანტ ბლუაშვილი“- ანა ბლუაშვილის ფილმი

„ოცნება ხდება“- (ფილმი გადაღებულია  ხონის N2 საჯარო სკოლის მოსწავლეეების მონაწილეობით)

„ციხის ყელი“-( N2 საჯარო სკოლის მე-9 კლასის მოსწავლეების ბერიკა ებანოიძისა და გოგა აბაშიძის ფილმი).

„გაცოცხლებული ფოტო“ - თამარ ავალიშვილის ფილმი.

„ის, რასაც ვერ მოშლი“ - მამუკა ჭიპაშვილის ფილმი.

ჟიურიმ  კონკურსში მონაწილე ფილმების ჩვენების შემდეგ დაასახელეს  ნომინაციაში გამარჯვებული კონკურსანტები:

მომავლის მსახიობი-ნიკოლოზ ჭიპაშვილი, ალექსანდრე უგულავა.

საუკეთესო როლის შემსრულებელები-ლუიზა კიკნაძე და ნიკოლოზ მაჭავარიანი,

კონკურსში ,, ჩემი იმერეთი“ მონაწილეობისათვის, ნომინაციაში „რაიონის მეგობარი“  დაჯილდოვდა ბორის სკოლა - პანსიონის მშვიდობის კორპუსის მოხალისე , ინგლისური ენის პედაგოგი, ამერიკელი ელიზაბედ ბითტჩელი

საუკეთესო ოპერატორი-ლაშა ნიქაბაძე

საუკეთესო სიუჟეტი-თამარ ავალიშვილი

კონკურსის საუკეთესო ფილმად დასახელდა ფილმი „ის, რასაც ვერ მოშლი“.

კონკურსის ორგანიზატორები გახლდნენ: ა(ა)იპ ,,ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრი",  გამგეობის კულტურის სამსახური და ხარაგაულის საგანმანათლებლო რესურცენტრი.