{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • „მომავლის ვარსკვლავის“ კონკურსი თურქეთში, ქალაქ მარმარისში გაიმართა

     

    5 სექტემბრიდან 10 სექტემბრის ჩათვლით, თურქეთში, ქალაქ მარმარისში მუსიკის საერთაშორისო კონკურსი ,,მომავლის ვარსკვლავი“ გაიმართა. კონკურსში საქართველოს, თურქეთის, სომხეთის, გერმანიის, რუსეთის და იტალიის წარმომადგენლები მონაწილეობდნენ. 100-მდე მუსიკოსი მარმარისის საერთაშორისო კონკურსზე ოთხ კატეგორიაში  იბრძოდა პირველობისთვის. მათ შორის იყო ხარაგაულელი სალომე კვირიკაშვილი, რომელიც მსმენელის წინაშე ვოკალის ტურში წარსდგა. კონკურსის ფარგლებში სალომემ   რევაზ ლაღიძის ,,არ იფიქრო დაგივიწყო“ და ნუნუ გაბუნიას ,,გაზაფხული, გაზაფხული“ შეასრულა და პირველი ადგილის  და პრემიის მფლობელი გახდა. სალომეს  საჩუქრად  ფულადი ჯილდო და სპეციალური დიპლომი გადაეცა. კონკურსის ჟიურის შემადგენლობაში  სხვადსხვა ქვეყნის ცნობილი ვოკალისტები და პიანისტები იყვნენ.

    სალომე კვირიკაშვილი კონკურსზე ხარაგაულის სამუსიკო სკოლის სახელით  იყო  წარდგენილი. თურქეთში, ქალაქ მარმარისში სალომესთან ერთად ბრძანდებოდა ხარაგაულის სამუსიკო სკოლის დირექტორი ლალი ალექსიძე. კონკურსზე გამგზავრების ხარჯები ხარაგაულის მუნიციპალიტეტის ადგილობრივი ბიუჯეტიდან დაფინანსდა.

     სალომე კვირიკაშვილი: ,,ყველაფერი გავაკეთე იმისათვის, რომ კონკურსზე, ჟიურის წინაშე კარგად წარვმსდგარიყავი და მაქსიმალურად გამომევლინა ჩემი შესაძლებლობები. დიდ სტიმულს მაძლევდა ის რომ, ჩემი გამოსვლით ხარაგაულელი გულშემატკივრების იმედები უნდა გამემართლებინა. ვნერვიულობდი ძალიან, მაგრამ ღელვას ხელი არ შეუშლია იმისთვის, რომ მაქსიმუმი გამეკეთებინა. დიდი მადლობა მინდა გადავუხადო ხარაგაულის მუნიციპალიტეტის გამგებელს კობა ლურსმანაშვილს, რომელმაც კონკურსზე გამგზავრებაში დახმარება გამიწია.“

    სალომე კვირიკაშვილმა ,,მომავლის ვარსკვლავის“  წოდება უკვე მეორედ მიიღო.  პირველად ამ ტიტულის მფლობელი იგი მიმდინარე წლის მაისის თვეში, თბილისის კონსერვატორიის  დიდ საკონცერტო დარბაზში გამართულ კონკურსზე გახდა.  სალომე თურქეთში, მარმარისის მუსიკის საერთაშორისო ფესტივალზე, როგორც „მომავლის ვარსკვლავის“ გამარჯვებული იღებდა მონაწილეობას.

     

    15 სექტემბერი 2015

    ნანახია: 790 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი