აქცია „დავასუფთაოთ მსოფლიო“ სამი დღის განმავლობაში გაგრძელდება

18 სექტემბერს მსოფლიოს მრავალ ქვეყანაში დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World) დაიწყო და ის სამი დღის განმავლობაში გაგრძელდება. დღეს დასუფთავების საყოველთაო აქციას  ხარაგაულის მუნიციპალიტეტიც შეუერთდა. ღონისძიება რაიონის მასშტაბით დილიდანვე დაიყო. აქციაში ჩაერთვნენ მუნიციპალიტეტის გამგეობის თანამშრომლები, სხვადასხვა სამსახურები, ა(ა)იპ-ები, საგანმანათლებლო რესურსცენტრის, სკოლებისა და კერძო სექტორის წარმომადგენლები. მონაწილეებმა მიმდებარე ტერიტორიები საყოფაცხოვრებო და ბიოლოგიური ნარჩენებისგან გაასუფთავეს.